2006-cı ilin 10 yanvar tarixində Azərbaycanda media sahəsində mühüm hadisə baş verib — Ictimai Radio fəaliyyətə başlayıb. Bu təşəbbüs, ölkədə demokratik və şəffaf informasiya siyasətinin inkişafına dəstək vermək məqsədi daşıyırdı.
"Tehsil365" xəbər verir ki, İctimai Radio, İctimai Televiziya və Radio Yayımları Şirkətinin tərkib hissəsi olaraq yaradılıb və ilk gündən obyektiv, balanslı və cəmiyyətin maraqlarına xidmət edən informasiya yayımına önəm verib. Radionun əsas məqsədi dinləyiciləri operativ və düzgün məlumatla təmin etməklə yanaşı, maarifləndirmə və mədəni irsin təbliği istiqamətində də fəaliyyət göstərməkdir.
18 ildir ki, İctimai Radio öz etibarlı informasiya mənbəyi imici ilə çıxış edir və Azərbaycan efir məkanında mühüm rol oynayır. Bu münasibətlə radionun bütün əməkdaşlarını təbrik edir, fəaliyyətlərində uğurlar arzu edirik.