Astara Şəhər Bir Saylı Məktəbin 8-ci sinif şagirdi, Qəhrəman Şəhid Nurlan Rahimovun övladı Rəhimli Əlövsət səhhətində yaranan narahatlıq səbəbi ilə müalicə alır.
"Tehsil365" xəbər verir ki, Məktəb rəhbərliyi, sinif rəhbəri və sinif yoldaşları tərəfindən şagirdə baş çəkilərək ona mənəvi dəstək göstərilib.
Görüş zamanı məktəb kollektivi Əlövsətə tezliklə sağalması ilə bağlı səmimi arzularını çatdırıb, onun yanında olduqlarını vurğulayıblar. Şəhid ailələrinə göstərilən diqqət və qayğının davamlı olaraq yüksək səviyyədə olduğunu bir daha ifadə edən iştirakçılar, belə görüşlərin həm məktəb icması, həm də cəmiyyət üçün əhəmiyyətini qeyd ediblər.
Bu ziyarət məktəb kollektivinin həmrəylik və humanist dəyərlərə sadiqliyinin bariz nümunəsi kimi qiymətləndirilib və şəhid ailələrinə dəstəyin gücləndirilməsi istiqamətində vacib addım hesab olunur.