Salyan şəhəri Y. Qasımov adına 4 nömrəli tam orta məktəbin metodisti Zeynəb Əsədova müəllimlərlə növbəti metodiki görüş keçirib.
"Tehsil365" xəbər verir ki, Görüşdə tədris prosesinin səmərəli təşkili, şagirdlərin idraki fəaliyyətinin inkişaf etdirilməsi və qarşıya qoyulan məqsədlər müzakirə olunub.
Tədbirdə müəllimlər arasında fikir mübadiləsi aparılaraq, tədrisin keyfiyyətinin yüksəldilməsi üçün yeni yanaşmalar və metodiki tövsiyələr təqdim edilib. Aparıcı metodist Günay Əbilova da görüşdə iştirak edərək, metodiki dəstək və təklifləri ilə tədbirin müzakirələrinə öz töhfəsini verib.
Metodiki görüşlərin davamlı keçirilməsi müəllimlərin peşəkarlıq səviyyəsinin artırılmasına və tədrisin inkişafına mühüm təsir göstərir.