Azərbaycan musiqi sənətinin parlaq nümayəndələrindən biri, tarzən, Xalq artisti Əliağa Eyvaz oğlu Quliyev 9 may 1917-ci ildə Bakıda anadan olmuş, 11 yanvar 1998-ci ildə doğma şəhərində dünyasını dəyişmişdir.
"Tehsil365" xəbər verir ki,Onun adı tar ifaçılığı məktəbinin inkişafı və milli musiqi irsinin yaşadılması ilə bağlıdır.
Əliağa Quliyev tar sənətinə xüsusi nəfəs gətirən, ifaçılıq mədəniyyətində dəqiqlik, emosionallıq və zənginlik yaradan sənətkar kimi yadda qalmışdır. O, həm solo ifaçı, həm də müşayiətçi kimi çoxsaylı konsertlərdə çıxış etmiş, muğamlarımızın və xalq mahnılarımızın layiqincə təqdim olunmasında mühüm rol oynamışdır.
Onun sənətə verdiyi töhfələr dövlət səviyyəsində də yüksək qiymətləndirilmiş, “Azərbaycanın Xalq artisti” fəxri adı ilə təltif olunmuşdur. Əliağa Quliyev uzun illər ərzində bir çox gənc musiqiçiyə ustad olmuş, öz bilik və bacarığını gələcək nəsillərə ötürmüşdür.
Bu gün də onun ifaları Azərbaycan musiqi tarixinin dəyərli səhifələrində yaşayır, sənətsevərlər tərəfindən sevgi və ehtiramla xatırlanır. Əliağa Quliyev milli musiqimizin inkişafında silinməz iz qoymuş sənətkar kimi daim hörmət və rəğbətlə yad edilir.