"Microsoft" şirkəti "Android" və "iOS" üçün sənədlərin skan edilməsi məqsədilə istifadə olunan pulsuz "Microsoft Lens" tətbiqinə dəstəyin dayandırıldığını elan edib.
“Tehsil365" bu barədə "Microsoft"un rəsmi saytına istinadən xəbər verir.
Bildirilir ki, fevralın 9-dan sonra tətbiq "Play Store" və "App Store"dan silinəcək. Bununla belə, istifadəçilər martən 9-dək alət vasitəsilə sənədləri skan etməyə davam edə biləcəklər və şəkillərə giriş saxlanılacaq.
"Microsoft" istifadəçilərə sənədlərin skan edilməsi üçün "OneDrive"dan istifadə etməyi tövsiyə edir. Bundan əlavə, "Microsoft" sənədlərin skan edilməsi üçün "Microsoft 365 Copilot" tətbiqində mövcud olan skan funksiyasından da istifadə etməyi təklif edir.