Zaqatala rayon Çökəkoba kənd tam orta məktəbində V sinif şagirdləri üçün Təbiət fənni üzrə “Maddələrin həllolması” mövzusunda dərs təşkil olunub.
"Tehsil365" xəbər verir ki, Dərs zamanı müəllim Əfəndiyeva Gülnar şagirdlərə maddələrin suda və digər mayelərdə həllolma xüsusiyyətlərini izah edib, müxtəlif praktiki nümunələr və eksperimentlər vasitəsilə mövzunu əyani şəkildə göstərib. Şagirdlər həm nəzəri biliklərini, həm də müşahidə və təcrübə bacarıqlarını inkişaf etdiriblər.
Təbiət dərsi şagirdlərdə təbiət hadisələrinə maraq yaratmaq, elmi düşüncə və müşahidə qabiliyyətlərini artırmaq məqsədi daşıyıb. Bu cür interaktiv dərslər təhsil prosesini daha maraqlı və məhsuldar edir.