16 yanvar 2026-cı il tarixində Əliabad İki Nömrəli Məktəbdə 4-cü sinif şagirdləri üçün “Sağlamlıq və qidalanma” mövzusunda maarifləndirici məşğələ təşkil olunub.
"Tehsil365" xəbər verir ki, Məşğələ müəllimə Soltanova Zahidət tərəfindən aparılıb.
Tədbirin məqsədi şagirdlərə sağlam həyat tərzinin əsasları, düzgün qidalanmanın insan sağlamlığında rolu və gündəlik rasionun düzgün qurulması haqqında biliklər vermək olub. Məşğələ zamanı uşaqlara faydalı və zərərli qidalar, gigiyena qaydaları, sağlam vərdişlərin formalaşdırılmasının əhəmiyyəti izah edilib.
Şagirdlər mövzu ətrafında fəal iştirak edib, suallar verərək müzakirələrə qoşulublar. İnteraktiv formada keçirilən məşğələ onların mövzuya marağını daha da artırıb.
Sonda müəllimə Soltanova Zahidət şagirdləri sağlam qidalanma qaydalarına əməl etməyə çağırıb və bu vərdişlərin gələcək həyatları üçün vacibliyini vurğulayıb. Tədbir şagirdlərin sağlam həyat tərzi ilə bağlı maariflənməsi baxımından faydalı olub.