19 yanvar 2026-cı il tarixdə Qax rayonunun Tasmalı kəndində yerləşən Elçin Şahmərdanov adına tam orta ümumtəhsil məktəbində 20 Yanvar faciəsinin ildönümünə həsr olunmuş “Qanlı Yanvar” başlıqlı anım tədbiri təşkil olunub.
"Tehsil365" xəbər verir ki, Tədbirdə məktəbin müəllim və şagird kollektivi iştirak edib. Əvvəlcə Vətənimizin azadlığı və ərazi bütövlüyü uğrunda şəhid olmuş oğul və qızlarımızın, eləcə də 20 Yanvar faciəsi qurbanlarının xatirəsi bir dəqiqəlik sükutla yad edilib.
Çıxış edənlər 1990-cı il 20 Yanvar hadisələrinin Azərbaycan xalqının azadlıq mübarizəsində mühüm mərhələ olduğunu vurğulayıb, bu faciənin eyni zamanda milli iradənin, qəhrəmanlığın və müstəqillik əzminin təcəssümü kimi tarixə düşdüyünü qeyd ediblər. Şagirdlər tərəfindən 20 Yanvara həsr olunmuş şeirlər səsləndirilib, faciəni əks etdirən səhnəciklər nümayiş etdirilib.
Tədbirin sonunda bildirilib ki, 20 Yanvar şəhidlərinin xatirəsi xalqımızın yaddaşında daim yaşayacaq, gənc nəslin vətənpərvərlik ruhunda tərbiyəsində bu cür anım tədbirləri mühüm rol oynayır.