2006-cı ildə Azərbaycanın ən titullu klublarından olan “Neftçi” futbol klubu Moskvada keçirilən Birlik Kubokunu qazanmaqla ölkə futbolu tarixində mühüm uğura imza atıb.
"Tehsil365" xəbər verir ki, Turnir boyu stabil və inamlı oyun nümayiş etdirən Bakı təmsilçisi final mərhələsində rəqibini məğlub edərək kuboku başı üzərinə qaldırıb. Bu qələbə “Neftçi”nin beynəlxalq arenada qazandığı ən yaddaqalan nailiyyətlərdən biri kimi tarixə düşüb.
Birlik Kubokundakı triumf Azərbaycan futbolunun post-sovet məkanında rəqabətədavamlı olduğunu bir daha sübut edib və “Neftçi”nin regionun aparıcı klubları sırasında yer aldığını təsdiqləyib.
Qeyd edək ki, Birlik Kuboku keçmiş SSRİ ölkələrinin çempion və ya aparıcı komandalarını bir araya gətirən nüfuzlu turnirlərdən biri hesab olunurdu.