1756-cı ildə dünya musiqi tarixinin ən dahi simalarından biri, avstriyalı bəstəkar Volfqanq Amadey Motsart anadan olub. O, klassik musiqinin inkişafında müstəsna rol oynayan, nadir istedada malik sənətkar kimi tanınır.
“Tehsil365” xəbər verir ki, Motsart qısa, lakin son dərəcə məhsuldar yaradıcılıq dövründə opera, simfoniya, kamera musiqisi və fortepiano əsərləri də daxil olmaqla 600-dən çox musiqi əsəri bəstələyib. Onun yaradıcılığı dünya musiqi mədəniyyətinin qızıl fonduna daxil edilib və bu gün də konsert salonlarında böyük maraqla səsləndirilir.
Volfqanq Amadey Motsartın musiqi irsi bəşəri mədəniyyətin ən qiymətli nümunələrindən biri hesab olunur.