Bu gün görkəmli maarifçi, ədəbiyyatşünas və pedaqoq Firidun bəy Köçərlinin doğum günüdür.
“Tehsil365” xatırladır ki, Firidun bəy Köçərli 26 yanvar 1863-cü ildə Şuşa şəhərində anadan olub. O, Azərbaycan maarifçilik hərəkatının aparıcı simalarından biri kimi milli təhsilin və ədəbiyyatşünaslığın inkişafında mühüm rol oynayıb.
Maarifçi ziyalı uzun illər pedaqoji fəaliyyət göstərib, ana dilində təhsilin genişlənməsi, məktəblərin təşkili və müəllim hazırlığı sahəsində əvəzsiz xidmətlər göstərib. Onun elmi irsində Azərbaycan ədəbiyyatının sistemli şəkildə araşdırılması xüsusi yer tutur.
Firidun bəy Köçərlinin “Azərbaycan ədəbiyyatı tarixi materialları” əsəri bu gün də Azərbaycan ədəbiyyatşünaslığının əsas mənbələrindən biri hesab olunur. O, klassik və müasir ədiblərin yaradıcılığını elmi əsaslarla təhlil edərək milli ədəbiyyat tarixinin formalaşmasına töhfə verib.
Firidun bəy Köçərli 1920-ci ildə Gəncədə erməni daşnakları tərəfindən qətlə yetirilib. Onun faciəli ölümü Azərbaycan ziyalı mühitində dərin iz buraxıb.
Bu gün onun xatirəsi ehtiramla anılır, zəngin irsi isə Azərbaycan təhsilində və ədəbiyyatında yaşamaqda davam edir.