İndoneziya hökuməti tərəfindən təsis edilən KNB təqaüd proqramı (İnkişaf etməkdə olan ölkələrin əməkdaşlığı proqramı) 2026/2027-ci tədris ili üçün bakalavriatura, magistratura və doktorantura səviyyələrində tələbə qəbulunu elan edib.
Bu barədə "Tehsil365"ə universitetdən məlumat verilib. Bildirilib ki, təqaüd proqramına sənəd qəbulu 02 fevral – 31 mart 2026-cı il tarixlərində aparılacaq. Proqrama müraciət etmək istəyən namizədlərdən aşağıdakı sənədlər tələb olunur:
Onlayn doldurulmuş ərizə forması
Attestat (yalnız bakalavriatura üçün) və ya diplomların surəti
Diplom əlavələrinin surəti
Motivasiya məktubu
Təhsil müəssisəsindən tövsiyə məktubu
Elmi rəhbərin tövsiyə məktubu (yalnız doktorantura üçün)
İndoneziya Səfirliyindən tövsiyə məktubu
İngilis dili üzrə sertifikat (IELTS və ya TOEFL)
Pasportun surəti
Bütün sənədlər ingilis və ya İndoneziya dilində təqdim edilməlidir.
Təqaüd proqramı təhsil haqqı, aylıq təqaüd, yol xərcləri və sağlamlıq sığortası kimi öhdəlikləri öz üzərinə götürür.
Sənəd vermək üçün buraya klikləyin. Əlavə məlumat üçün İndoneziya Araşdırmalar Mərkəzinə müraciət etmək mümkündür.