Dövlət İmtahan Mərkəzi (DİM) tərəfindən paylaşılan rəsmi müraciətdə gənclərin cəmiyyətin inkişafında aparıcı qüvvə olduğu vurğulanıb. Bildirilib ki, yeniliklərə açıq və gələcəyə istiqamət verən Azərbaycan gəncləri bilikləri, fəallıqları və məsuliyyətli mövqeləri ilə ölkənin sosial və intellektual potensialının formalaşmasında mühüm rol oynayırlar.
“Tehsil365” xəbər verir ki, paylaşımda DİM Könüllülük Layihəsinin gənclərin şəxsi və peşəkar inkişafına töhfə verməyi, onların bilik və bacarıqlarının üzə çıxarılmasını, vətəndaş məsuliyyəti və ictimai fəallığının artırılmasını əsas məqsədlərindən biri hesab etdiyi qeyd olunub.
Bu əlamətdar gün münasibətilə DİM Könüllülük Layihəsi bütün gəncləri təbrik edərək onlara möhkəm iradə, davamlı inkişaf və gələcək fəaliyyətlərində uğurlar arzulayıb.