Azərbaycan Dillər Universiteti PHŞ İngilis dilinin leksikologiyası kafedrasında 0,5 ştat laborant vəzifəsi üzrə vakansiya elan edib.
Bu barədə "Tehsil365"ə universitetdən məlumat verilib. Bildirilib ki, vakansiya üzrə namizədlərdən kafedranın profilinə uyğun ali təhsil, Microsoft Office proqramları üzrə sərbəst istifadə bacarığı, eləcə də komandada işləmək, məsuliyyətlilik, intizamlılıq, nəticəyönümlülük və dəqiqlik kimi şəxsi keyfiyyətlər tələb olunur. Namizədlərdən həmçinin kafedranın profilinə uyğun dil biliklərinə malik olmaları gözlənilir.
Məlumata görə, laborant vəzifəsini icra edəcək şəxs kafedranın tədris və elmi işlərinin təşkilində iştirak edəcək, tədris məşğələləri zamanı fənn müəlliminə köməklik göstərəcək, dərslərin qrafikinin tənzimlənməsində, sənədləşmə işlərinin aparılmasında və kafedranın fəaliyyətinə dair məlumatların müvafiq strukturlara çatdırılmasında iştirak edəcək. Eyni zamanda dərs cədvəlinin tərtibi, dərs yükünün hesablanması, informasiya-kommunikasiya texnologiyalarından istifadə, əməyin mühafizəsi, təhlükəsizlik texnikası, sanitar-gigiyena və yanğından mühafizə qaydalarına əməl edilməsi vəzifə öhdəliklərinə daxildir.
Qeyd olunub ki, əmək haqqı namizədin kvalifikasiyasından asılı olaraq işə qəbul üzrə komissiya tərəfindən müəyyən ediləcək. Müraciətlərə baxıldıqdan sonra yalnız tələblərə cavab verən namizədlərlə əlaqə saxlanılacaq.
Vakansiyaya müraciət etmək istəyən şəxslər CV-lərini [email protected] elektron poçt ünvanına 10 fevral saat 18:00-dək göndərə bilərlər.