Naxçıvan Dövlət Universitetinin (NDU) rektoru Elbrus İsayev xaricdə təhsil alacaq rezidentlərlə görüş keçirib.
Bu barədə "Tehsil365"ə Naxçıvan Dövlət Universitetinin Media və ictimaiyyətlə əlaqələr şöbəsinin əməkdaşı Badəm Əliyeva məlumat verib. Bildirilib ki, görüş zamanı rektor rezidentləri təbrik edərək onlara qarşıdakı təhsil həyatlarında uğurlar arzulayıb.
Rektor universitetlər arasında imzalanmış ikili əməkdaşlıq müqavilələrinin əhəmiyyətindən danışaraq, xaricə göndəriləcək rezidentlərin bu proqram çərçivəsində yaradılan imkanlardan səmərəli istifadə etmələrini tövsiyə edib.
Görüşdə bildirilib ki, tələbələrdən dördü Türkiyənin Qazi Universitetinə, biri isə Ondokuz Mayıs Universitetinə rotasiya olunub.
Tibb fakültəsinin III kurs üzrə “Patoloji anatomiya və məhkəmə-tibbi ekspertiza”, “Nevrologiya”, “Oftalmologiya”, IV kurs üzrə isə “Yoluxucu xəstəliklər” və “Kardiologiya” ixtisaslarında təhsil alan rezidentlər müvafiq olaraq üç, altı və doqquz ay müddətində xaricdə təhsil alacaqlar.
