Bu gün pedaqogika üzrə fəlsəfə doktoru, dosent, BMT yanında Beynəlxalq İnformasiyalaşdırma Akademiyasının həqiqi üzvü, Biblioqrafiyaşünaslıq kafedrasının müdiri Nadir İsmayılovun 70 illik yubileyi tamam olur. Cəfər Cabbarlı adına Respublika Gənclər Kitabxanasında bu münasibətlə alimin həyat və fəaliyyətindən bəhs olunan “Biblioqrafiyaşünas alim Nadir İsmayılov - 70” adlı elektron məlumat bazası hazırlanıb.
Kitabxanadan “Tehsil365"ə bildirilib ki, hazırlanan bazada Nadir İsmayılovun həyat və fəaliyyətinin əsas tarixləri, onun layiq görüldüyü təltif və mükafatlarla yanaşı, “Biblioqraf alim, qayğıkeş ziyalı” adlı məqalənin tam mətni də təqdim edilir.
Elektron bazada alimin müəllifi, elmi məsləhətçisi olduğu, redaktə və tərtib etdiyi, rəy, “Ön söz” yazdığı nəşrlərin, tərcümələrin, metodiki vəsaitlərin siyahıları yer alır. Kitabxana əməkdaşları tərəfindən hazırlanan bazada Nadir İsmayılovun müxtəlif dillərdə çap edilən məqalələri, tezis və konfrans materialları, beynəlxalq seminar, simpozium və konfranslarda iştirakı ilə bağlı məlumatlar da təqdim edilir.
Elektron məlumat bazası kitabxananın rəsmi saytında https://ryl.az/melumat-bazalari/Biblioqrafiyashunas_alim_Nadir_%C4%B0smayilov_el_melumat_bazasi/index.html yerləşdirilib.