Azərbaycanın tanınmış teatr və kino aktyoru, Azərbaycan Respublikasının Əməkdar Artisti Vahid Əsgər oğlu Əliyev vəfat edib.
"Tehsil365" xəbər verir ki, Vahid Əliyev 7 fevral 1952-ci ildə Tovuz rayonunda anadan olub. O, uzun illər ərzində səhnə və ekran sənətində uğurla fəaliyyət göstərərək özünəməxsus ifa tərzi ilə tamaşaçıların rəğbətini qazanıb. Aktyor yaratdığı obrazlarla Azərbaycan mədəniyyətinə dəyərli töhfələr verib.
Sənət sahəsindəki xidmətlərinə görə Vahid Əliyevə 3 may 2011-ci ildə Azərbaycan Respublikasının Əməkdar Artisti fəxri adı verilib.
Vahid Əliyev 6 noyabr 2025-ci ildə Bakıda vəfat edib. Onun parlaq sənət yolu və yaradıcılığı Azərbaycan səhnə sənətində daim hörmətlə xatırlanacaq.