Bu gün Azərbaycan musiqi mədəniyyətinin görkəmli nümayəndəsi, tanınmış müğənni Şövkət Feyzulla qızı Ələkbərovanın xatirəsi yad edilir.
"Tehsil365" xəbər verir ki,Şövkət Ələkbərova 20 oktyabr 1922-ci ildə Bakıda anadan olub. O, zəngin və özünəməxsus ifa tərzi ilə Azərbaycan vokal sənətində xüsusi yer tutub, milli musiqimizin inkişafına mühüm töhfələr verib. Müğənninin ifasında səslənən mahnılar uzun illər boyu dinləyicilərin yaddaşında yaşayıb.
Sənət sahəsindəki böyük xidmətlərinə görə Şövkət Ələkbərovaya 1959-cu ildə Azərbaycan SSR xalq artisti fəxri adı verilib.
Görkəmli sənətkar 7 fevral 1993-cü ildə Bakıda vəfat edib. Onun zəngin yaradıcılığı bu gün də Azərbaycan musiqi irsinin dəyərli nümunələri kimi sevilir və hörmətlə xatırlanır.