Azərbaycan idmanının tanınmış nümayəndələrindən biri olan Amil Famil oğlu Qasımov 8 fevral 1986-cı ildə Kirovabad şəhərində anadan olub.
"Tehsil365" xəbər verir ki, O, sambonun inkişafında və ölkəmizin beynəlxalq arenada tanıdılmasında mühüm rol oynamış idmançılardandır.
Amil Qasımov 2015-ci ildə keçirilən I Avropa Oyunlarında gümüş medal qazanaraq Azərbaycan sambosunun gücünü bir daha nümayiş etdirmişdir. Həmin il idman sahəsində əldə etdiyi uğurlara görə “Tərəqqi” medalı ilə təltif olunmuşdur.
Onun karyerasında ən parlaq nailiyyətlərdən biri isə 2016-cı ildə Rusiyanın Kazan şəhərində keçirilən Avropa Çempionatında qızıl medal qazanmasıdır. Bu qələbə Amil Qasımovun peşəkarlığını və yüksək idman ustalığını təsdiqləyən mühüm göstərici kimi qiymətləndirilir.
Amil Qasımov bu gün də Azərbaycan idmanında əzmkarlıq, zəhmət və vətənə layiqli təmsilçilik nümunəsi kimi tanınır, gənc idmançılar üçün örnək hesab olunur.