Xəzər Universiteti Psixologiya departamentinin müəllimi Dr. Gülşən Əliyeva və III kurs tələbələri Sədaqət Məcidli, Sədaqət Məmmədova və Gülay Məmmədovanın birgə müəllifi olduqları elmi məqalə Kanadanın nüfuzlu “International Journal of Innovative Technologies in Social Science” jurnalının 2026-cı il 1(49) sayında dərc edilib.
“Tehsil365” xəbərə verir ki, “Koqnitiv-davranış terapiyasının (KDT) müxtəlif təşviş pozuntularında təşviş simptomlarını azaltmada effektivliyi mövzusunda müqayisəli sistematik ədəbiyyat icmalı” adlı məqalə təşviş pozuntularının aradan qaldırılmasında KDT-nin effektivliyinin öyrənilməsinə həsr olunub.
Araşdırma çərçivəsində müəlliflər müxtəlif təşviş pozuntularında KDT-nin nəticələrini nəzarət qrupları və alternativ müalicə üsulları ilə müqayisə edərək geniş elmi ədəbiyyat icmalı aparıblar. Təhlillər KDT-nin geniş tətbiq imkanlarına malik olduğunu, təşviş simptomlarının azaldılmasında sabit və güclü təsir göstərdiyini, həmçinin bir çox digər müalicə yanaşmalarına nisbətən üstünlüklərini ortaya qoyur.
Məqalənin nəticələrinə əsasən, koqnitiv-davranış terapiyası təşviş pozuntularının müalicəsində ən çox tövsiyə olunan və elmi cəhətdən əsaslandırılmış psixoloji yanaşmalardan biri hesab olunur.
Qeyd edək ki, jurnal və məqalənin tam mətni aşağıdakı linkdə yerləşdirilib:
https://rsglobal.pl/index.php/ijitss/article/view/4602/3526�