Görüşdə qiymətləndirmələrin nəticələri və keyfiyyət planı üzrə görülən işlər müzakirə olunaraq yeni strategiyalar müəyyənləşdirilib.
“Tehsil365” xəbər verir ki, məktəb liqaları çərçivəsində növbəti görüş Cəlilabadda təşkil olunub.Lənkəran-Astara Regional Təhsil İdarəsinin Tədrisin keyfiyyəti sektorunun müdiri Namiq Aslanov Cəlilabadda fəaliyyət göstərən bir qrup ümumtəhsil məktəbinin direktorları, direktor müavinləri, ibtidai və fənn müəllimləri ilə görüş keçirib.
Görüşlərdə diaqnostik və summativ qiymətləndirmələrin nəticələri, həmçinin keyfiyyət planı üzrə görülən işlər müqayisəli təhlil edilərək müzakirə olunub. Qarşıdakı mərhələlər üçün yeni strategiyalar və fəaliyyət istiqamətləri müəyyənləşdirilib.
Sektor müdiri məktəbdaxili qiymətləndirmə, tədris prosesinin keyfiyyətinin artırılması və müasir təlim strategiyalarının tətbiqi barədə fikirlərini bölüşüb. O, hər bir qrup üçün fərdi yanaşmanın vacibliyini vurğulayıb və müvafiq tapşırıqlar verib.