Bu gün Azərbaycanın Milli Qəhrəmanı, Birinci Qarabağ müharibəsi şəhidi Təbriz Xəlilbəylinin xatirə günüdür.
"Tehsil365" xəbər verir ki,1964-cü il fevralın 12-də Bakı şəhərində anadan olan Təbriz Xəlilbəyli Azərbaycanın xalq şairi Xəlil Rzanın oğludur. O, vətənpərvərlik ruhunda böyümüş, ölkəmizin ərazi bütövlüyü uğrunda gedən döyüşlərdə fəal iştirak etmişdir.
Birinci Qarabağ müharibəsi zamanı cəbhəyə yollanan Təbriz Xəlilbəyli Xocalı rayonunun Naxçıvanik kəndi istiqamətində gedən döyüşlərdə qəhrəmancasına vuruşmuşdur. O, 1992-ci il yanvarın 31-də şəhidlik zirvəsinə ucalmışdır.
Göstərdiyi igidliyə və şücaətə görə Təbriz Xəlilbəyli ölümündən sonra “Azərbaycanın Milli Qəhrəmanı” fəxri adına layiq görülmüşdür.
Onun əziz xatirəsi xalqımız tərəfindən daim ehtiramla anılır. Təbriz Xəlilbəylinin şərəfli ömür yolu gənc nəsillər üçün vətənpərvərlik və fədakarlıq nümunəsidir.