Fevralın 13-də Azərbaycan Respublikasının Xalq artisti Nisə Qasımovanın doğum günü tamam olur.
"Tehsil365" xəbər verir ki,O, 1954-cü ildə Bakı şəhərində anadan olub.
Uzun illərdir Azərbaycan səhnəsində uğurla çıxış edən Nisə Qasımova özünəməxsus ifa tərzi, güclü səsi və zəngin repertuarı ilə dinləyicilərin rəğbətini qazanıb. Onun ifasında səslənən mahnılar milli estrada musiqimizin yadda qalan nümunələrinə çevrilib.
Sənət fəaliyyətinə gənc yaşlarından başlayan müğənni ölkə daxilində və xaricdə keçirilən çoxsaylı konsert proqramlarında iştirak edib, Azərbaycan musiqi mədəniyyətini layiqincə təmsil edib.
Nisə Qasımovanın sənət sahəsindəki xidmətləri dövlət tərəfindən yüksək qiymətləndirilib. O, 2008-ci ildə “Azərbaycan Respublikasının Xalq artisti” fəxri adına layiq görülüb, 2011-ci ildən isə Azərbaycan Respublikası Prezidentinin fərdi təqaüdçüsüdür.
Nisə Qasımova bu gün də yaradıcılıq fəaliyyətini davam etdirir və Azərbaycan musiqi sənətinə töhfələr verməkdədir.