Azərbaycan Dövlət İqtisad Universiteti (UNEC) magistrləri üçün xarici universitetlərdən elmi rəhbərlər təyin edilməsi təcrübəsini genişləndirir.
“Tehsil365" xəbər verir ki, bununla bağlı UNEC-in rektoru, professor Ədalət Muradov rəsmi facebook hesabında paylaşım edib.
Rektor qeyd edib ki, cari tədris ilində 1-ci kursa qəbul olmuş 200 magistrdən 93-ü üçün xarici elmi rəhbərlərin təyin edilməsi təsdiqlənib.Yeni elmi rəhbərlər 20 fərqli ölkənin universitetlərini təmsil edirlər.
Keçən illə müqayisədə xarici elmi rəhbərlə tədqiqat aparacaq magistrlərin sayı 38%, xarici elmi rəhbərlərin sayı 41%, elmi rəhbərlərin təmsil olunduğu xarici ölkələrin sayı isə 33% artıb.
Universitet rəhbərliyi uğurları qeyd edərək, gələcəkdə bu təcrübənin daha da genişləndirilməsi istiqamətində işlərin davam edəcəyini bildirib.