Azərbaycanın təhlükəsizlik orqanlarında uzun illər məsul vəzifələrdə çalışmış Ziya Məmmədiyyə oğlu Yusifzadə 1929-cu il fevralın 15-də Nuxada (indiki Şəki) anadan olub.
"Tehsil365" xəbər verir ki, O, 1980–1988-ci illərdə Azərbaycan SSR Dövlət Təhlükəsizlik Komitəsinin sədri vəzifəsində fəaliyyət göstərib. Bu dövrdə respublikanın təhlükəsizlik sistemində rəhbər mövqedə təmsil olunub və dövlət strukturlarında mühüm rol oynayıb.
Ziya Yusifzadə sonrakı illərdə Milli Təhlükəsizlik Nazirliyinin Heydər Əliyev adına Akademiyasının rəisi kimi çalışaraq təhlükəsizlik orqanları üçün peşəkar kadrların hazırlanmasına töhfə verib.
Uzunmüddətli xidmət yolu keçmiş Ziya Məmmədiyyə oğlu Yusifzadə 2015-ci il sentyabrın 29-da Bakıda vəfat edib. O, Azərbaycanın təhlükəsizlik orqanlarının tarixində önəmli rəhbər şəxslərdən biri kimi xatırlanır.