Azərbaycan teatr və kino sənətinin tanınmış simalarından olan Tünzalə Məcid qızı Əliyeva 1973-cü il fevralın 15-də Kirovabadda (indiki Gəncə) anadan olub.
"Tehsil365" xəbər verir ki, O, uzun illər səhnədə və ekranlarda çıxış edərək milli mədəniyyətin inkişafına töhfə verib.
Aktrisa xüsusilə “Toppuş bacı” obrazı ilə tamaşaçıların yaddaşına həkk olunub. Onun təbii oyun tərzi, obrazın xarakterini ustalıqla təqdim etməsi və səhnədə enerjisi onu həm teatrsevərlərin, həm də kino izləyicilərinin sevimlisi edib.
Sənət sahəsindəki xidmətlərinə görə Tünzalə Əliyevaya “Azərbaycan Respublikasının Əməkdar artisti” fəxri adı verilib. Bu, onun milli mədəniyyətə verdiyi töhfənin yüksək qiymətləndirilməsinin göstəricisi olub.
22 yanvar 2023-cü ildə vəfat edən Tünzalə Məcid qızı Əliyeva Azərbaycan teatr və kino tarixində özünəməxsus yeri olan sənətkar kimi xatırlanır.