Azərbaycan Respublikasının Gənclər Fondu “Konstitusiya və Suverenlik İli” çərçivəsində elan etdiyi fərdi qrant müsabiqəsinin qalib layihələrindən biri olan “Hüquqla Güclən!” layihəsini həyata keçirir. Layihənin rəhbəri İsmayıl Rizayevdir.
“Tehsil365” xəbər verir ki, layihə çərçivəsində 3 ümumtəhsil məktəbi və 3 ali təhsil müəssisəsində maarifləndirici təlimlər təşkil olunur. Təlimlər interaktiv formatda keçirilir, iştirakçılara hüququn əsas anlayışları, vətəndaş hüquqları, hüquqi məsuliyyət, hüquqların müdafiə mexanizmləri və real həyat situasiyaları izah edilir.
Layihənin əsas məqsədi məktəblilər və tələbələr arasında hüquqi savadlılığı artırmaq, onların hüquq və vəzifələri barədə biliklərini gücləndirmək, eləcə də gündəlik həyatda qarşılaşa biləcəkləri hüquqi məsələlər haqqında məlumatlılığını yüksəltməkdir. Layihə, eyni zamanda, gənclərin cəmiyyətdə daha məlumatlı və məsuliyyətli vətəndaş kimi formalaşmasına töhfə verməyi hədəfləyir.