Bakı şəhərində fəaliyyət göstərən 42 ümumi təhsil ocağına yeni rəhbərlər təyin edilib.
“Tehsil365“Oxu.az-a istinadən xəbər verir ki, bu haqda Bakı Şəhəri üzrə Təhsil İdarəsi (BŞTİ) tərəfindən açıqlama verilib.
Məlumatda qeyd olunub ki, təyinatlar paytaxt ərazisindəki 198, 97, 131, 308, 94, 254, 133, 81, 71, 139, 335, 334, 230, 205, 162, 155, 87, 38, 106, 298, 58, 63, 142, 337, 215, 296, 327, 258, 185, 305, 108, 165, 315, 203, 256, 323, 73 nömrəli tam orta məktəbləri, həmçinin 2 nömrəli texniki-humanitar lisey, 1 nömrəli idman liseyi, 115 nömrəli xüsusi əyani-qiyabi tam orta ümumtəhsil məktəbi, 6 nömrəli respublika inteqrasiya təlimli internat tipli ümumtəhsil məktəbi və E.Quliyev adına 9 nömrəli inteqrasiya təlimli internat tipli ümumtəhsil məktəbi üzrə mövcud olan vakant yerləri əhatə edib. Vəzifəyə yeni təyin edilən məktəb rəhbərləri işə qəbul imtahanlarını müvəffəqiyyətlə tamamlayan namizədlərdir.
Xatırladaq ki, müsabiqədə pedaqoji və ya idarəetmə ixtisasları üzrə ali təhsilə malik, ən azı 5 il (təhsilin təşkili və idarə olunması ixtisası üzrə elmi dərəcə və ada sahib olanlar üçün 3 il) pedaqoji təcrübəsi olan və hazırda ümumi təhsil müəssisələrində pedaqoji fəaliyyətini davam etdirən şəxslər iştirak ediblər.