Bakı Dövlət Universitetinin (BDU) Kimya fakültəsində “Radioaktiv maddələr və radioaktiv çirklənmə problemləri” mövzusunda elmi seminar keçirilib.
Bu barədə “Tehsil365” ə BDU-dan məlumat verilib.
Seminarda Ümumi və qeyri-üzvi kimya kafedrasının professoru Nağı Yaqubov bildirib ki, müasir dünyanın əsas ekoloji problemlərindən biri radioaktiv çirklənmədir. Onun sözlərinə görə, Yer kürəsində radiasiya fonunu artıran amillər sırasında Günəşin ultrabənövşəyi şüaları, neftlə birlikdə çıxan buruq sularında olan radioaktiv xassəli ağır metal zərrəcikləri, palçıq vulkanları ilə birlikdə çıxan radioaktiv maddələr və kosmik şüalar xüsusi rol oynayır.
Professor qeyd edib ki, radiasiya fonunun artması həm təbii, həm də texnogen amillərlə bağlı kompleks problemdir. Bu səbəbdən çıxış yolu yalnız bir istiqamətdə deyil, monitorinq, texnoloji təhlükəsizlik, qanunvericilik, elmi-tədqiqat və ictimai maarifləndirmənin inteqrasiyası ilə mümkündür.
Sonda məruzəçi sualları cavablandırıb