Azərbaycan regionları üzrə peşə təhsili alanların sayı açıqlanıb.
“Tehsil365“ AZƏRTAC-a istinadən xəbər verir ki,Peşə Təhsili üzrə Dövlət Agentliyindən bildirilib ki, hazırda ölkə üzrə ümumilikdə 25 min 978 nəfər peşə təhsili alır.
Məlumata görə, siyahıda ilk üçlükdə Bakı, Gəncə və Sumqayıt şəhərləri qərarlaşıb. Belə ki, 9320 nəfər Bakı, 1798 nəfər Gəncə və 1088 nəfər Sumqayıt şəhərlərində yerləşən peşə təhsili müəssisələrində təhsil alır.
Agentlikdən bildirilib ki, 868 nəfər Bərdə, 773 nəfər Qəbələ və 747 nəfər Lənkəran, 632 nəfər Xaçmaz, 590 nəfər Yevlax, 550 nəfər Tovuz, 471 nəfər Kürdəmirdə peşə təhsili alır.
Eyni zamanda, 452 nəfər Cəlilabad, 446 nəfər İsmayıllı, 403 nəfər Şəki, 399 nəfər Neftçala, 359 nəfər Biləsuvar, 355 nəfər Zərdab, 353 nəfər Balakən, 333 nəfər Şirvan, 317 nəfər İmişli, 312 nəfər Tərtər, 311 nəfər Naxçıvan, 307 nəfər Göyçay, 288 nəfər Ağdaş, 268 nəfər Göygöl, 254 nəfər Gədəbəy, 253 nəfər Goranboy, 229 nəfər Ağdam, 229 nəfər Oğuz, 228 nəfər Füzuli, 226 nəfər Şəmkir, 225 nəfər Saatlı, 220 nəfər Salyan, 218 nəfər Sabirabad və 218 nəfər Yevlax rayonunda fəaliyyət göstərən peşə təhsili müəssisələrində təhsilini davam etdirir.
Həmçinin 197 nəfər Quba, 180 nəfər Beyləqan, 178 nəfər Qax, 178 nəfər Şamaxı, 177 nəfər Şabran, 160 nəfər Abşeron, 160 nəfər Ordubad, 157 nəfər Daşkəsən, 157 nəfər Qusar, 154 nəfər Ağcabədi, 139 nəfər Zaqatala, 91 nəfər Şərur, 79 nəfər Mingəçevir, 70 nəfər Masallı və 60 nəfər Siyəzən peşə təhsili müəssisələrində oxuyur.
Bundan başqa, 58 nəfər Naftalan, 46 nəfər Cəbrayıl, 40 nəfər Xızı və 36 nəfər Yardımlı rayonlarında fəaliyyət göstərən peşə təhsili müəssisələrində təhsil alır.