Son illərdə şagirdlər arasında stress, imtahan gərginliyi və sosial adaptasiya problemləri daha çox müşahidə olunur. Bu vəziyyət məktəblərdə psixoloji xidmətlərin əhəmiyyətini daha da artırır. Bəs mövcud psixoloji dəstək mexanizmləri şagirdlərin ehtiyaclarını tam qarşılayırmı?
Mövzu ilə bağlı psixoloq “Tehsil365"ə açıqlama verib.
Psixoloq bildirib ki, “Məktəblərdə psixoloji xidmət strukturu mövcud olsa da, bütün şagirdlərin ehtiyaclarını əhatə etmək baxımından bəzi çatışmazlıqlar qalmaqdadır.”
Onun sözlərinə görə, bir çox hallarda bir psixoloq yüzlərlə şagirdlə işləməli olur: “Bu isə fərdi yanaşmanı çətinləşdirir. Psixoloji dəstək yalnız problem yarananda deyil, profilaktik xarakter daşımalıdır.”
Mütəxəssis qeyd edib ki, məktəblərdə psixoloji xidmətlərin effektivliyi yalnız psixoloqun fəaliyyəti ilə məhdudlaşmır: “Müəllimlərin və valideynlərin də bu prosesdə maariflənməsi vacibdir. Uşağın davranışındakı dəyişiklikləri vaxtında fərq etmək və düzgün istiqamətləndirmək önəmlidir.”
Psixoloq əlavə edib ki, bullinq, akademik təzyiq və ailədaxili problemlər şagirdlərin emosional vəziyyətinə birbaşa təsir göstərir və bu səbəbdən məktəbdə sistemli psixoloji proqramların tətbiqi zəruridir.
Sonda vurğulanıb ki, psixoloji dəstək mexanizmlərinin gücləndirilməsi yalnız problemli halların həlli üçün deyil, sağlam və təhlükəsiz məktəb mühitinin formalaşdırılması üçün də əsas şərtlərdən biridir.