Bal min illərdir həm təbii şirniyyat, həm də müalicəvi vasitə kimi istifadə olunur. Bal tərkibində qlükoza və fruktoza şəklində karbohidratlar, həmçinin az miqdarda vacib vitaminlər, minerallar, zülallar və fermentlər saxlayır.
“Tehsil365“ Metbuat.az-a istinadən xəbər verir ki, balın gündəlik istifadəsi ümumi sağlamlığın yaxşılaşmasına, çəkiyə nəzarətə və dəriyə qulluq prosesinin güclənməsinə müsbət təsir göstərir.
1. Diabetə nəzarət edir.
Bal antioksidantlarla zəngin olduğu üçün faydalıdır və qanda şəkər səviyyəsinin tənzimlənməsinə kömək edir. Araşdırmalar göstərir ki, bal diabetli insanlarda qlükoza və qan lipidlərinin səviyyəsini azaltmağa kömək edərək ümumi sağlamlığı yaxşılaşdıra bilər. Lakin unutmaq olmaz ki, bal da şəkər növüdür və mütləq ölçülü şəkildə qəbul edilməlidir.
2. Ürək sağlamlığını dəstəkləyir.
Balın tərkibindəki antioksidantlar ürək sağlamlığı üçün vacibdir. Onlar aşağı sıxlıqlı lipoproteinlərin oksidləşməsinin qarşısını alaraq ürək xəstəlikləri riskini azalda bilər. Müntəzəm bal yemək ürəyin normal fəaliyyətini dəstəkləyə bilər.
3. Öskürək və soyuqdəyməyə qarşı vasitədir.
Ənənəvi olaraq bal öskürək və soyuqdəymənin müalicəsində istifadə olunub. Tənəffüs yollarındakı iltihabı azaltmağa və öskürəyi sakitləşdirməyə kömək edir.
4. Yaraların sağalması kömək edir.
Bal yaralar üçün ən qədim təbii vasitələrdən biridir. Bal immun reaksiyanı aktivləşdirərək infeksiyaya qarşı mübarizə aparır və toxumaların bərpasını stimullaşdırır. Bal xırda yaralar, yanıqlar və dəri qıcıqlanmalarının müalicəsində effektivdir.
5. Güclü antioksidant mənbəyidir.
Bal orqanizmdə sərbəst radikallarla mübarizə aparan antioksidantlarla zəngindir. Sərbəst radikallar qocalmaya və xroniki xəstəliklərə səbəb ola bilər. Tünd rəngli bal növlərində antioksidant səviyyəsi daha yüksək olur və bu da immun sistemini daha yaxşı gücləndirir.
6. Uşaqlarda sağlam inkişafı dəstəkləyir.
Bal uşaqların böyüməsinə və yaddaşına müsbət təsir göstərir. Tədqiqatlar göstərir ki, bal körpələrdə ağlamağı azalda və ümumi inkişafı dəstəkləyir. Lakin 1 yaşdan kiçik uşaqlara bal verilməməlidir, çünki balda ola bilən bakteriyalar körpələrdə ciddi xəstəliyə səbəb ola bilər.
7. Həzm yaxşılaşdırır.
Balın tərkibində həzmi asanlaşdıran fermentlər var və bu qida maddələrinin daha effektiv mənimsənilməsinə kömək edir. Onun təbii şəkərləri həzm prosesinə ehtiyac olmadan tez bir zamanda qana sovrulur və sürətli enerji mənbəyi olur. Eyni zamanda bal prebiotik təsir göstərərək faydalı bağırsaq bakteriyalarının artımını dəstəkləyir və həzm sağlamlığını yaxşılaşdırır.