2025-ci ildə ölkədə mülki aviasiya sahəsində idarəetmənin təkmilləşdirilməsi məqsədilə Azərbaycan Dövlət Mülki Aviasiya Agentliyi yaradılıb.
"Tehsil365" xəbər verir ki, Yeni qurumun fəaliyyət istiqamətləri mülki aviasiya sahəsində dövlət siyasətinin həyata keçirilməsi, uçuş təhlükəsizliyinin təmin olunması, aviasiya qaydalarına nəzarət və beynəlxalq standartların tətbiqini əhatə edir. Agentliyin yaradılması ölkənin aviasiya sektorunda institusional islahatların davamı kimi qiymətləndirilir.
Qeyd olunur ki, qurum beynəlxalq aviasiya təşkilatları ilə əməkdaşlığın genişləndirilməsi, hava nəqliyyatı infrastrukturunun inkişafı və sərnişin təhlükəsizliyinin artırılması istiqamətində fəaliyyət göstərəcək.
Mütəxəssislərin fikrincə, Agentliyin yaradılması Azərbaycanın mülki aviasiya sisteminin daha çevik və effektiv idarə olunmasına, həmçinin qlobal aviasiya məkanına inteqrasiyanın gücləndirilməsinə töhfə verəcək.