Azərbaycan Memarlıq və İnşaat Universiteti (AZMİU) ilə Azərbaycan Gömrük Təmsilçiliyi və Logistika Şirkətlərinin Assosiasiyası (AGTL) arasında qarşılıqlı əməkdaşlıq mövzusunda mühüm görüş keçirilib.
“Tehsil365" xəbər verir ki, görüşdə tərəflər arasında institusional əməkdaşlığın genişləndirilməsi, birgə təşəbbüslərin həyata keçirilməsi və tərəfdaşlıq mexanizmləri müzakirə olunub.
Tərəflər arasında əməkdaşlıq memorandumunun imzalanması, birgə seminarlar və təlimlərin təşkil edilməsi, elmi-praktiki tədbirlərin keçirilməsi kimi məsələlər gündəmə gətirilib, logistika və gömrük təmsilçiliyi sahəsində kadr potensialının inkişafı ilə bağlı mümkün addımlar nəzərdən keçirilib.
Görüş zamanı həm akademik mühit, həm də biznes sektoru üçün faydalı olacaq bu əməkdaşlığın rəsmiləşdirilməsi istiqamətində işlərin davam etdiriləcəyi vurğulanıb.
Qeyd edək ki, bu əməkdaşlıq AzMİU-nun tədqiqat və tədris fəaliyyətlərində yeni perspektivlər açacaq, tələbələrin praktiki bilik və bacarıqlarının inkişafında mühüm mərhələ olacaq.
