Türkiyə alimləri Ege Universitetində həyata keçirilən və Türkiyə Elmi və Texnoloji Tədqiqat Şurası (TÜBİTAK) tərəfindən dəstəklənən layihə çərçivəsində Ay və Mars torpağına bənzər mühitdə pomidor yetişdirməyə nail olublar.
“Tehsil365“ AZƏRTAC-a istinadən xəbər verir ki, tədqiqatlarda ABŞ-dən gətirilən Ay və Mars regolitinə bənzər materiallardan istifadə olunub.
Növbəti mərhələdə pomidorların keyfiyyəti və streslə əlaqəli molekulyar mexanizmlər araşdırılacaq.
Araşdırma Ay və Marsda qurulması planlaşdırılan koloniyalar üçün regolitlərin kənd təsərrüfatına yararlı hala gətirilməsinə töhfə verməyi hədəfləyir.