Bu gün Azərbaycanın görkəmli rəssamı, realist teatr-dekorasiya sənətinin yaradıcılarından biri olan Rüstəm Məmməd oğlu Mustafayevin xatirə günüdür.
“Tehsil365” xəbər verir ki, 1910-cu il fevralın 12-də (25 fevral yeni təqvimlə) Bakı şəhərində anadan olan sənətkar qısa, lakin məhsuldar ömrü ərzində Azərbaycan təsviri sənətinin və teatr mədəniyyətinin inkişafında mühüm rol oynayıb. O, xüsusilə səhnə tərtibatı və dekorasiya sahəsində yenilikçi yanaşmaları ilə seçilərək milli teatr estetikasının formalaşmasına töhfə verib.
Rüstəm Mustafayev yaradıcılığında realizm prinsiplərinə üstünlük verərək səhnə məkanının bədii həllinə xüsusi diqqət yetirib. Onun hazırladığı dekorasiyalar tamaşaların ideya və məzmununun daha dolğun çatdırılmasına imkan yaradıb, obrazların xarakterini və dövrün ruhunu tamaşaçıya daha təsirli şəkildə təqdim edib.
Sənətkar 1940-cı il iyulun 19-da Bakıda vəfat edib. Cəmi 30 il ömür sürməsinə baxmayaraq, o, Azərbaycan teatr-dekorasiya sənətində silinməz iz qoyub və bu gün də sənət ictimaiyyəti tərəfindən ehtiramla yad edilir.