Azərbaycan ədəbiyyatına ağır itki üz verib.
“Tehsil365” xəbər verir ki, Tanınmış şair Yetim Eyvaz (tam adı Eyvaz Qurbanov) 23 iyul 2017-ci ildə doğulduğu Qalaaltı kəndində vəfat edib.
O, 26 fevral 1952-ci ildə Siyəzən rayonunun Qalaaltı kəndində anadan olmuşdu. Yaradıcılığında əsasən vətənpərvərlik, doğma torpağa bağlılıq, insan taleyi və mənəvi dəyərlər mövzularına geniş yer verən şair oxucuların rəğbətini qazanmışdı.
Yetim Eyvaz uzun illər ədəbi fəaliyyətlə məşğul olmuş, şeirləri müxtəlif mətbuat orqanlarında dərc edilmişdir. Onun poetik irsi Azərbaycan ədəbiyyatında özünəməxsus yer tutur.
Şairin əziz xatirəsi onu sevənlərin qəlbində daim yaşayacaq.