Azərbaycanın Milli Qəhrəmanı Tofiq Hüseynov 26 fevral 1992-ci ildə Xocalı şəhərində baş verən faciəli hadisələr zamanı həlak olub.
“Tehsil365” xəbər verir ki, 1954-cü il aprelin 19-da Xocalıda (keçmiş DQMV) anadan olan Tofiq Hüseynov doğma yurdunun müdafiəsində fəal iştirak edib. 1992-ci ilin fevralında şəhərin müdafiəsi zamanı göstərdiyi igidlik və şücaət ilə yadda qalıb.
Onun şücaəti dövlət tərəfindən yüksək qiymətləndirilib və ölümündən sonra “Azərbaycanın Milli Qəhrəmanı” adına layiq görülüb.
Tofiq Hüseynovun xatirəsi hər il ehtiramla anılır, onun qəhrəmanlıq nümunəsi gənc nəsil üçün vətənpərvərlik örnəyi kimi təqdim olunur.