"Universitet mənə yalnız dərsləri öyrətmədi, həm də tədqiqat aparmağı, layihələr hazırlamağı və insanlarla işləməyi öyrətdi.”
Bu sözləri “Tehsil365"ə açıqlamasında Gəncə Dövlət Universitetində Tarix-Coğrafiya müəllimliyi ixtisası üzrə təhsil alan 3-cü kurs tələbəsi Firuzə Əsgərli bildirib.
Firuzə Əsgərli qeyd edib ki, universitet illəri ona yalnız akademik bilik qazandırmayıb, həm də layihələr üzərində işləməyi, tədqiqat aparmağı və effektiv ünsiyyət bacarıqlarını inkişaf etdirməyə imkan verib.
"Hər fənn və hər praktik məşq gələcək müəllim kimi formalaşmağıma böyük təsir edir.” - deyə o qeyd edib.
O əlavə edib ki, tarixi araşdırmalar və coğrafiya bilikləri gələcəkdə şagirdlərlə işləməkdə ona böyük dəstək olacaq.
"Mən öyrəndim ki, yalnız kitabdan oxumaq kifayət deyil. Təcrübə toplamaq, fərqli metodlarla dərs hazırlamaq və aktiv iştirak etmək hər müəllim üçün önəmlidir," — deyə Firuzə Əsgərli əlavə edib.
O həmçinin vurğulayıb ki, universitet illərində qazandığı bacarıqlar həm dərs prosesinə, həm də şəxsi inkişafına təsir edir:
"Məsuliyyət, planlama və davamlı öyrənmək vərdişləri gələcək karyeramda böyük rol oynayacaq," — deyə Firuzə Əsgərli bildirib.