Dünyanın əksər ölkələrində uşaqlar doğulduqda “0 yaş”dan hesablanır. Lakin Cənubi Koreya uzun illər unikal bir ənənəyə malik olub: uşaqlar dünyaya gələn kimi artıq 1 yaşında sayılıb.
“Tehsil365" xəbər verir ki, bu sistem “Koreya yaşı” adlanırdı və gündəlik həyatda geniş istifadə olunub.
Koreya yaşı hesablamasında iki əsas qayda var idi. Birincisi, uşaq doğulduğu andan 1 yaşında sayılıb. İkincisi, hər yeni il (1 yanvar) gəldikdə bütün insanların yaşı avtomatik artırılırdı. Məsələn, dekabr ayında doğulan bir uşaq yanvar ayında artıq iki yaşında sayılırdı. Bu səbəbdən bəzən rəsmi sənədlərdəki yaş ilə gündəlik yaş arasında fərq yaranıb.
Bu ənənənin tarixi çox qədimdir və kənd təsərrüfatı cəmiyyətləri dövrünə qədər gedib çıxır. Keçmişdə insanların ömrü qısaydı və uşaq doğulduğu andan sayılırdı ki, onun həyat mərhələləri və sosial statusu daha asan müəyyən edilsin. Bu yanaşma həmçinin ailələr üçün doğum bayramlarını və uşağın inkişaf mərhələlərini qeyd etməkdə də rol oynayıb.
Lakin qeyd etmək lazımdır ki, bu qədim ənənə 28 iyun 2023-cü il tarixində rəsmi olaraq sona çatdı. Cənubi Koreya hökuməti beynəlxalq standartlara uyğunlaşmaq və gündəlik həyatda yaranan qarışıqlıqları aradan qaldırmaq üçün rəsmi yaş sistemini dəyişdi. Bu qərardan sonra bütün dövlət sənədlərində, tibbi qeydlərdə və hüquqi işlərdə artıq dünya üzrə qəbul edilmiş "doğum gününə əsaslanan" yaş sistemi tətbiq olunur.