2020-ci il Azərbaycan üçün səhiyyə sahəsində mühüm və çətin bir mərhələnin başlanğıcı kimi tarixə düşüb.
“Tehsil365” xəbər verir ki, Həmin il dünyada sürətlə yayılan COVID-19 infeksiyası ilk dəfə Azərbaycanda rəsmi olaraq qeydə alınıb.
Qlobal pandemiyaya səbəb olan virus ilk olaraq 2019-cu ilin sonunda Çində aşkar edilmiş, qısa müddətdə bir çox ölkələrə yayılmışdı. Azərbaycanda ilk yoluxma faktının təsdiqlənməsi ilə əlaqədar olaraq hökumət tərəfindən qabaqlayıcı tədbirlər həyata keçirilib, sərhədlərdə nəzarət gücləndirilib, tibbi müşahidə və karantin rejimi tətbiq olunub.
Pandemiyanın yayılmasının qarşısını almaq məqsədilə ölkədə mərhələli şəkildə məhdudiyyətlər tətbiq edilib, əhali arasında maarifləndirmə işləri aparılıb və səhiyyə sistemi gücləndirilib.
COVID-19-un ölkədə qeydə alınması Azərbaycanın da qlobal pandemiya ilə mübarizə aparan dövlətlər sırasına qoşulması ilə nəticələnib və səhiyyə sahəsində yeni çağırışlar yaradıb.