Məktəbdə dərs deyən hər bir müəllim rəqəmsal bacarıqlara yiyələnməlidir.
“Tehsil365"ə AZƏRTAC istinadən xəbər verir ki, bunu jurnalistlərə müsahibəsində elm və təhsil nazirinin müavini Həsən Həsənli deyib.
Nazir müavini bildirib ki, müəllimlərin sertifikatlaşdırılması prosesində məqsəd onları sistemdən kənarlaşdırmaq yox, ən yaxşı müəllimləri müəyyənləşdirməkdir: “Bəzi müəllimlər sertifikasiyadan keçə bilmədilər. Bu, xüsusilə regionlarda müəyyən çətinliklər yaradır və təəssüf doğurur. Lakin proses mərhələlidir və heç kim ilk cəhddə sistemdən kənarlaşdırılmır. İlk ildə uğur qazana bilməyən müəllimlərə bir il vaxt verilir və bu müddətdə onların təkrar sertifikasiyaya hazırlanmasına dəstək göstərilir. İkinci ildə də uğur əldə olunmadıqda əmək müqaviləsinə xitam verilir və həmin şəxslər pedaqoji fəaliyyətdən uzaqlaşdırılır. Bununla belə, bəzi məktəblərdə alternativ iş imkanları ilə həmin müəllimlərin təcrübəsi tədris prosesindən kənarda dəyərləndirilirlər”.