Münasibətlər üzrə ekspert və ABŞ-dakı Cənubi Kaliforniya Universitetinin Etika kafedrasının dosenti Eleonora Qordon-Smit şəxsi həyatını ətrafdakıların təcrübəsi ilə müqayisə etməməyə çağırıb.
“Tehsil365” Ölkə.az-a istinadla xəbər verir ki, tənhalıq qorxusunun öhdəsindən gəlməyin bu gözlənilməz üsulunu o, "The Guardian"a danışıb.
Ekspertə 30 yaşdan yuxarı, sevgi və ailə şansını qaçırdığını düşünən bir qadın müraciət edib. O etiraf edib ki, əvvəlki uğursuz münasibətlər onun özünə inamsızlığını və arzuladığı gələcəyin əlçatmaz olduğu hissini gücləndirib.
Qordon-Smit diqqət mərkəzini dəyişməyi və sevgini tapmaq şanslarını qiymətləndirmək əvəzinə qeyri-müəyyənliyi qəbul etməyi tövsiyə edib. “Əgər ehtimallara deyil, imkanlara fokuslansanız, sevgi gəldiyi zaman ona açıq qalmağa özünüzə imkan vermiş olarsınız”, - deyə ekspert izah edib.
Onun fikrincə, özünü başqaları ilə müqayisə etmək tənhalıq qorxusunu artırır, halbuki tərəfdaşın olub-olmamasından asılı olmayaraq dolğun və mənalı həyat yaşamaq bacarığı narahatlığı azaltmağa kömək edir. Qordon-Smit vurğulayıb ki, sevgi və münasibətlər istənilən yaşda yarana bilər və qorxuya qapılmaq əvəzinə ümid hissini qorumaq vacibdir.