Azərbaycan dekorativ-tətbiqi sənətinin inkişafında mühüm rol oynamış sənətkarlardan biri Kamil Əliyev olub.
“Tehsil365” xəbər verir ki, O, 22 oktyabr 1921-ci ildə İrəvanda anadan olub.
Kamil Müseyib oğlu Əliyev xalçaçı-rəssam kimi milli xalçaçılıq ənənələrinin qorunub saxlanılması və inkişaf etdirilməsinə böyük töhfə verib. Onun yaratdığı xalça kompozisiyaları zəngin ornamentləri, milli naxış elementləri və yüksək bədii-estetik səviyyəsi ilə seçilib. Sənətkar eyni zamanda pedaqoji fəaliyyət göstərərək gənc rəssam və xalçaçıların yetişməsində mühüm rol oynayıb.
Onun yaradıcılığı dövlət tərəfindən yüksək qiymətləndirilib və 1982-ci ildə Azərbaycan SSR-in xalq rəssamı fəxri adına layiq görülüb. Professor kimi fəaliyyəti dövründə milli dekorativ sənətin elmi əsaslarla öyrənilməsinə və tədrisinə töhfələr verib.
Kamil Əliyev 1 mart 2005-ci ildə Bakıda vəfat edib. Onun zəngin irsi Azərbaycan xalçaçılıq sənətinin qızıl fonduna daxil olan dəyərli nümunələr sırasında yer alır.