2012-ci ildə Quba rayonunda ictimai rezonans doğuran hadisələr baş verib.
“Tehsil365” xəbər verir ki, Rayonun o zamankı icra başçısı Rauf Həbibov tərəfindən keçirilən iclasların birində Quba sakinlərinə qarşı təhqiredici ifadələrin səsləndirilməsi barədə yayılan məlumatlar və videogörüntülər yerli əhali arasında ciddi narazılığa səbəb olub.
Hadisədən sonra şəhərdə etiraz aksiyaları keçirilib, vəziyyət gərginləşərək iğtişaşlarla nəticələnib. Aksiya iştirakçıları rayon rəhbərliyinin davranışına etiraz edərək məsələ ilə bağlı tədbir görülməsini tələb ediblər.
Baş verən hadisələr ölkə ictimaiyyətində geniş müzakirələrə yol açıb. Daha sonra məsələ hüquq-mühafizə orqanları tərəfindən araşdırılıb və müvafiq qərarlar qəbul edilib.
Quba hadisələri 2012-ci ilin ölkə gündəmində ən çox müzakirə olunan ictimai-siyasi olaylarından biri kimi yadda qalıb.