Azərbaycan teatr və kino sənətinin tanınmış simalarından biri olan Novruz Yaqub oğlu Əliyev yaradıcılığı ilə milli səhnə mədəniyyətinə mühüm töhfələr vermiş sənətkarlardandır.
“Tehsil365” xəbər verir ki, 3 mart 1947-ci ildə Bakıda anadan olan aktyor uzun illər teatr və kino sahəsində fəaliyyət göstərmiş, müxtəlif janrlı tamaşa və ekran işlərində yaddaqalan obrazlar yaratmışdır. Onun ifası səmimiliyi, təbii aktyor oyunu və obrazlara dərindən yanaşması ilə seçilmişdir.
Sənət sahəsindəki xidmətlərinə görə Novruz Əliyev 2013-cü ildə “Azərbaycanın əməkdar artisti” fəxri adına layiq görülmüşdür. Bu ad onun milli mədəniyyətin inkişafındakı rolunun yüksək qiymətləndirilməsi olmuşdur.
Novruz Əliyev 8 yanvar 2022-ci ildə Bakıda vəfat etmişdir. O, Azərbaycan səhnə sənətində yaratdığı obrazlar və sənətə verdiyi töhfələrlə xatırlanır.