Azərbaycanın idman tarixində özünəməxsus yer tutan İlham Əzizağa oğlu Zəkiyev paralimpiya cüdoçusu kimi böyük uğurlara imza atmışdır.
“Tehsil365” xəbər verir ki, 3 mart 1980-ci ildə Sumqayıtda anadan olan İlham Zəkiyev təkcə idman sahəsində deyil, həm də vətənə xidmət sahəsində nümunəvi fəaliyyət göstərmişdir. O, Birinci Qarabağ müharibəsinin iştirakçısı və qazisi kimi də tanınır.
İlham Zəkiyev paralimpiya cüdosunda böyük nailiyyətlər əldə etmişdir: üç dəfə Paralimpiya Oyunlarının çempionu (2004, 2008), iki dəfə dünya çempionu (2007, 2010), səkkiz dəfə Avropa çempionu (2005, 2007, 2009, 2011, 2013, 2015, 2017, 2022) və 2015-ci ildə Avropa Oyunlarının qalibi olmuşdur.
O, həmçinin Azərbaycanın Əməkdar İdman Ustası və Əməkdar məşqçisi fəxri adlarına layiq görülmüş, cüdo üzrə 7-ci dan qara kəmərə sahibdir. İlham Zəkiyev həm milli idmanın inkişafında, həm də gənc nəsillərin idmana həvəsini artırmaqda önəmli rol oynayır.