Martın 4-də Vətən Müharibəsi Qəhrəmanı Nail Nəriman oğlu İbrahımlının doğum günü tamam olur.
“Tehsil365” xəbər verir ki, 1994-cü il martın 4-də Oğuz rayonunun Xaçmaz kəndində anadan olan Nail İbrahimli hərb sənətini şərəfli vəzifə kimi seçmişdi. O, Azərbaycan Respublikasının Dövlət Sərhəd Xidmətinin Sərhəd Qoşunlarında kiçik gizir rütbəsində xidmət edirdi və vəzifə borcunu məsuliyyətlə yerinə yetirirdi.
Nail İbrahimli Azərbaycan Respublikasının Dövlət Sərhəd Xidməti sıralarında xidmət etdiyi müddətdə peşəkarlığı və intizamı ilə seçilmişdi. O, İkinci Qarabağ müharibəsi zamanı döyüş əməliyyatlarında fəal iştirak etmiş, xüsusilə Şuşa istiqamətində gedən həlledici döyüşlərdə igidlik göstərmişdir.
8 noyabr 2020-ci ildə Şuşa uğrunda gedən döyüşlər zamanı qəhrəmancasına şəhid olan Nail İbrahimli göstərdiyi şücaətə görə ölümündən sonra “Vətən Müharibəsi Qəhrəmanı” fəxri adına layiq görülmüşdür.
Bu gün qəhrəman sərhədçinin əziz xatirəsi ehtiramla yad edilir, onun Vətənə sədaqəti və rəşadəti gənc nəsil üçün örnək kimi göstərilir.