Bu gün Azərbaycan televiziyasının ilk diktor-jurnalistlərindən biri, əməkdar artist Gülşən Əkbərovaın doğum günüdür.
“Tehsil365” xəbər verir ki, Gülşən Əkbərova 5 mart 1953-cü ildə Bakıda anadan olub. O, uzun illər Azərbaycan televiziyasında diktor, aparıcı və redaktor kimi fəaliyyət göstərərək milli efir mədəniyyətinin formalaşmasında mühüm rol oynayıb. Peşəkar nitqi, səlis təqdimat tərzi və tamaşaçı ilə ünsiyyət bacarığı ilə seçilən Əkbərova televiziya jurnalistikasının inkişafına töhfə verən simalardandır.
Ssenari müəllifi kimi də fəaliyyət göstərən Gülşən Əkbərova bir sıra televiziya layihələrinin hazırlanmasında iştirak edib. Onun zəngin yaradıcılıq fəaliyyəti 2006-cı ildə dövlət tərəfindən yüksək qiymətləndirilib və o, “Azərbaycan Respublikasının əməkdar artisti” fəxri adına layiq görülüb.
Bu gün də Gülşən Əkbərovanın adı Azərbaycan televiziya tarixində xüsusi yer tutur və o, peşəkar efir ənənələrinin davamçısı kimi hörmətlə xatırlanır.