Bu gün Azərbaycanın Milli qəhrəmanlarından biri, matros Qafur Məmmədovın anım günüdür.
“Tehsil365” xəbər verir ki, Qafur Nəsir oğlu Məmmədov 5 mart 1922-ci ildə Bakıda anadan olub. O, gənc yaşlarından Vətənə sədaqətlə xidmət edərək II Dünya Müharibəsi illərində Sovet İttifaqı ordusunda iştirak edib.
Tuapse şəhəri istiqamətində aparılan döyüşlərdə göstərdiyi qəhrəmanlıq və igidlik nəticəsində 18 oktyabr 1942-ci ildə şəhid olmuşdur. Onun göstərdiyi rəşadət Sovet İttifaqı tərəfindən yüksək qiymətləndirilmiş və ölümündən sonra “Sovet İttifaqı Qəhrəmanı” fəxri adına layiq görülmüşdür.
Qafur Məmmədovun adı Azərbaycan xalqının qəhrəmanlıq tarixində əbədi iz qoymuşdur və onun xatirəsi daim ehtiramla yad olunur.